2014 йил 8 июн куни Ўзбекистон давлат муассасалари ва жамоат хизмати ходимлари касаба уюшмаси Жиззах шахар Кенгаши томонидан “Жиззах туман бандликка кўмаклашиш ва аҳолини ижтимоий ҳимоя қилиш маркази” ходимларидан 15 нафарига Навоий вилояти “Нурота-чашма” мажмуасига туристик саёхат уюштирилди.

Саёхатчилар “Нурота- чашма” мажмуасидаги IX – X асрда қурилган “Жума”,”Номозгох” масжиди, “Нур” қалъасининг тарихи билан яқиндан танишдилар ва улуғ қадамжоларни зиёрат қилдилар. Шунингдек “Нурота- чашма” булоғидан чиқаётган сувнинг шифобахш хусусиятлари, ундаги 15 та микроэлементларнинг даволаш хусусиятлари  тўғрисида тўлиқ маълумот олдилар.

Уюштирилган саёхат иштирокчиларда катта таъсирот колдирди ва улар бу тадбирдан маънавий ва маданий хордиқ чиқардилар.