«Гўзал ва бетакроримсан, муқаддас Ватаним, жоним сенга фидо, Ўзбекистоним!” шиори остида Ўзбекистон давлат муассасалари ва жамоат хизмати ходимлари касаба уюшмасининг Тошкент шаҳар бирлашган касаба уюшмаси қўмитаси томонидан Тошкент шаҳридаги ҳокимлик идоралари ходимлари учун навқирон Самарқанд шаҳрининг тарихий обидалари ва муқаддас қадамжоларига зиёрат қилиш мақсадида саёҳат уюштирилди.

      Айни дамда Самарқанд шаҳри кўплаб сайёҳлар, қолаверса, Ўзбекистоннинг турли вилоятларидан келган зиёратчилар билан гавжум. Уларнинг кўплари Ўзбекистон Республикасининг биринчи Президенти Ислом Каримов қабрини зиёрат қилиш истагида вилоятга ташриф буюрмоқда. Шу билан бирга ҳокимлик идоралари ходимлари иштирокида Ҳазрати Ҳизр қабристонида Юртбошимиз руҳларига Қуръон тиловат қилинди.