Ўзбекистон касаба уюшмалари Федерацияси Кенгаши Раёсатининг 2016 йил 20 июлдаги “Янги таҳрирдаги “Ўз касбининг моҳир эгалари”ни тақдирлаш тадбирларини ташкил этиш ва ўтказиш бўйича Низомга ўзгартириш ва қўшимчалар киритиш тўғрисида”ги 3-7 сонли қарори асосида жорий йилнинг 21 октябрь куни Тошкент шаҳар касаба уюшмалари ташкилотлари бирлашмаси Кенгаши томонидан “Ўз касбининг моҳир эгалари” шаҳар босқичи ғолибларини тақдирлаш тадбири ўтказилди.

       Тантанали тадбирда кўп йиллардан буён самарали меҳнат қилиб келаётган, ўз сохасида салмоқли ютуқларга эришган, «Устоз-шогирд» анъаналарига асосан ўз касбининг сир-асрорларини ёшларга ўргатиб, ўз соҳасининг малакали давомчиларини тайёрлаётган, меҳнат жамоаси орасида обрў-эътиборга эга бўлган, мамлакатимизда турли сохаларда олиб борилаётган кенг кўламдаги ислохотлар мазмун-моҳиятини тўғри англаб, уларни доимо қўллаб-қувватлаб келаётган фидойи ва заҳматкаш касб эгалари орасида Ўзбекистон давлат муассасалари ва жамоат хизмати ходимлари касаба уюшмаси Тошкент шаҳар бирлашган қўмитаси ташкилотларидан ҳам 5 нафар вакиллари ғолиб сифатида иштирок этдилар.

       Ўз касбининг моҳир эгалари  бўлган шаҳар босқичи ғолиблари Тошкент шаҳар касаба уюшмалари ташкилотлари бирлашмаси Кенгаши томонидан совға ва дипломлар билан тақдирландилар. Тақдирланганлар бу каби тадбирлар мунтазам равишда ўтказилиб келинаётганлигидан мамнун эканликларини билдириб, Ўзбекистон касаба уюшмалари Федерацияси Кенгаши рахбариятига ўз миннатдорчиликларини баён этдилар.