Тадбирда Президентимиз таклифлари билан номланган “Кексаларни эъзозлаш йили” давлат дастурининг аҳамияти, Ватанимизнинг иқтисодий равнақига ҳисса қўшган ёши улуғ авлод вакилларига кўрсатилаётган ҳурмат, яратилаётган шароитлар ҳамда бугунги кунда Республика Марказий банкининг вилоят филиали томонидан амалга оширилаётган хайрли ишлар ҳақида сўз борди.

Давлат муассасалари ва жамоат хизмати ходимлари касаба уюшмаси Республика кенгашининг вилоятдаги масъул ташкилотчиси ва  Республика Марказий банкининг Қашқадарё вилояти филиали  бошланғич касаба уюшма қўмитаси ташаббуси билан ташкил этилган йиғилишда йил охиригача “Кексаларни эъзозлаш йили” Давлат дастури юзасидан қабул қилинган тадбирларнинг тўлиқ бажарилишини таъминлаш юзасидан вилоят давлат ва тижорат банклари ходимлари бошланғич касаба уюшма ташкилотлари олдида турган вазифалар алоҳида таъкидланди. Йил якунигача Давлат дастурида белгиланган “Кексалар дуосини олайлик”, “Ҳеч ким меҳр ва эътибордан четда қолмасин” акциялари доирасида ташкил этиладиган тадбирларда фаол иштирок этишга алоҳида эътибор қаратилди.